相信今天好多人都為母親節已慶祝！但今日讓我想起一個入行故事。
剛剛加入殯儀這個行業，對很多事情都很陌生。
初次見面，兒子跟我們相討如何處理媽媽的殯葬儀式。
過程中好正常地，客人對怎樣處理一般都不會太了解。交談中有講有笑，看似已輕鬆接受和面對媽媽已過身的事實。還說媽媽在過身前一刻選擇了信奉耶穌基督，所以希望為母親以基督教為最後的送別儀式。因為出席既人數不多，只有他們自己一家人 (兒子、新抱、女兒、老公、孫女) ，所以選擇院出服務。
到了領遺體出殯個一日，係殮房外等待中的時候：
世伯笑著跟我說，「真係好多謝我地幫忙。」
我微笑說著：「應該的，這是我們的職責。」輕輕帶過，沒想到有人會感謝我地。
終於到左入殮房認遺體，亦都係我既第一次。見著一個陌生人的遺體在我眼前。
殮房人員：「你地認唔認得，遺體係咪你地屋企人呀？」
世伯沒有出聲，只凝望著他妻子。淚水慢慢流下，他哭了，站不穩了。
牧師也到場了準備儀式開始，大家圍著已在棺木的母親。殮房變得特別寧靜，這刻是我們一起唱起詩歌的時間。當然投入既我，就緊係跟住大家一齊唱啦。
手機播放的音樂響起， 「耶和華是愛，讓我安身青草溪水邊～～～」 短短既前奏，每一個人都淚水不斷，哭出聲了。
我同先人一生素未謀面，但係感受到這是一家人看見媽媽最後既一刻。那種原本在心底遠處，埋藏依依不捨的感覺要比揭露出來。
願各位母親節快樂！
Comments